Ме ӧтчыд гижа тэ йылысь, позьӧ?
Некод ӧд оз тӧд, коді тэ, эскан?
Некод ӧд оз тӧд, коді тэ, эскан?
Тэ шулін – ставсö гижӧма водзвыв…
Му вылас тэтӧг кӧдзыд да дзескыд.
Ки пыдӧс вылам – крестасьöм визьяс,
Ме кӧсйи тӧдны, кузя-ӧ ола.
Тэ сэки индін: «Со олӧм визьыд,
Да сiдзкö дыр тэ, мадаӧй, олан…»
Со локтi югыд крест дорад ӧтнам,
А ылын-ӧ тэ, юавны пола.
Ок, кутшӧм этша сетӧма тӧдны…
Кор ловзяс кулӧм, кор кулас олӧм?
И кӧн ми лоам, ичӧтӧсь, жебӧсь,
Дзик пемӧсъяс
кодь кывтӧмӧсь, лоам?
Тэ дженьыд визьтӧ меысь сэк дзебин,
А менам – ори.
Кык пельӧ ори.
Фото - Владимир Ануфриев.